ՏԵՂԱԿԱՆ ԱՐՏԱԴՐՈԻԹՅԱՆ ՄԱՆԿԱԿԱՆ ՀԱԳՈՒՍՏ ՏԵՂԵԿԱՏՎԱԿԱՆ ՊԻՏԱԿՆԵՐՈՎ
«ՄԱՆԿԱՆ» ԽԱՂԱԼԻՔՆԵՐԸ ՏԵՂԵԿԱՏՎԱԿԱՆ ՊԻՏԱԿՆԵՐՈՎ
«ՍՏԱՆԴԱՐՏՆԵՐ ՍԱՌԵՑՄԱՆ ԵՎ ՕԴՈՐԱԿՄԱՆ ՏԵԽՆԻԿԱՅԻ ՈԼՈՐՏՈՒՄ» Կլոր սեղան-քննարկում

ԵՐԿՓԵՂԿՎԱԾ ԿՅԱՆՔ -ԼՈՒՍԱՆԿԱՐԸ՝ ՄԻՋԱԶԳԱՅԻՆ ԼՈՒՍԱՆԿԱՐՉԱԿԱՆ ՄՐՑՈՒՅԹԻ ՀԱՂԹՈՂ ԼՈՒՍԻՆԵ ԹՈՐՈՍՅԱՆԻ:

ՏԵՂԵԿԱՏՎԱԿԱՆ ԳՈՒՆԱՎՈՐՄԱՆ ԳՐՔՈՒՅԿԻ ԵՎ ՊԱՍՏԱՌԻ ՇՆՈՐՀԱՆԴԵՍԸ
ՕԶՈՆԱՅԻՆ ՇԵՐՏԻ ՊԱՀՊԱՆՈՒԹՅԱՆ ՄԻՋԱԶԳԱՅԻՆ ՕՐ 2015
ԷԿՈԿՐԹԱԿԱՆ ԴԱՍԸՆԹԱՑՆԵՐ ՍԵՎԱՆ ԵՎ ԴԻԼԻՋԱՆ ԱԶԳԱՅԻՆ ՊԱՐԿԵՐԻ ՀԱՐԱԿԻՑ ՀԱՄԱՅՆՔՆԵՐԻ ԵՐԵԽԱՆԵՐԻ ՀԱՄԱՐ 2016
«ԱՆԳԱՄ ԱՅՍՊԻՍԻ ՄԵՏԱՂԱԿԱՆ ԽՆԴԻՐՆԵՐՆ ՈՒՆԵՆ ԻՐԵՆՑ ՄԵԼՈԴՐԱՄԱՏԻԿ ԿՈՂՄԸ»: ՕՍԿԱՐ ՈւԱՅԼԴ
ՎԵՐԱՊԱՏՐԱՍՏՄԱՆ ԴԱՍԸՆԹԱՑՆԵՐ ՄԱՔՍԱՅԻՆ ԾԱՌԱՅՈՂՆԵՐԻ ՀԱՄԱՐ
ՕԶՈՆԱՅԻՆ ՇԵՐՏԻ ՊԱՀՊԱՆՈՒԹՅԱՆ ՄԻՋԱԶԳԱՅԻՆ ՕՐ 2015
ԻՐԱԶԵԿՄԱՆ ՍԵՄԻՆԱՐՆԵՐ ՄԱՆԿԱՊԱՐՏԵԶՆԵՐԻ ՍԱՆԵՐԻ ՀԱՄԱՐ
ՕԶՈՆԱՅԻՆ ՇԵՐՏԸ ԲՆԱԿԱՆ ՄԻ ՎԱՀԱՆ Է, ՈՐԸ ՊԱՇՏՊԱՆՈՒՄ Է ՄԵԶ ՈՒՄ ՎՆԱՍԱԿԱՐ ՃԱՌԱԳԱՅԹՆԵՐԻՑ
ԱՌՈՂՋ ՄԹՆՈԼՈՐՏՆ Է ՄԵՐ ԵՐԱԶԱԾ ԱՊԱԳԱՆ
ԱՅԺՄ ԱԵՐՈԶՈԼՆԵՐՈՒՄ ՕԳՏԱԳՈՐԾՎՈՒՄ ԵՆ ՕԶՈՆԱԱՆՎՏԱՆԳ ԱԾԽԱՋՐԱԾՆԱՅԻՆ ՄՂԻՉ ՆՅՈՒԹԵՐ

ՆԱԽԿԻՆՈՒՄ ԱԵՐՈԶՈԼՆԵՐՈՒՄ ՈՐՊԵՍ ՄՂԻՉ ՆՅՈՒԹ ԷԻՆ ՕԳՏԱԳՈՐԾՎՈՒՄ ՔՖԱ-ՆԵՐԸ

ՕԶՈՆԱՅԻՆ ՇԵՐՏԻ ՊԱՀՊԱՆՈՒԹՅԱՆ ՄԻՋԱԶԳԱՅԻՆ ՕՐՎԱՆ ՆՎԻՐՎԱԾ ՏՈՆԱԿԱՏԱՐՈՒԹՅՈՒՆՆԵՐ. ԵՐԵՎԱՆ, ՍԵՊՏԵՄԲԵՐ, 2012թ.
ՕԶՈՆԱՅԻՆ ՇԵՐՏԻ ՊԱՀՊԱՆՈՒԹՅԱՆ ՄԻՋԱԶԳԱՅԻՆ ՕՐԸ. ԵՐԵՎԱՆ, ՍԵՊՏԵՄԲԵՐ 2014թ.

ԷՆԵՐԳԱԱՐԴՅՈՒՆԱՎԵՏՈՒԹՅՈՒՆԸ ՍԱՌՆԱՄԱՏԱԿԱՐԱՐՄԱՆ և ՕԴՈՐԱԿՄԱՆ ՈԼՈՐՏՈՒՄ

Շրջակա միջավայրի նախարարության Օզոնի ծրագիրը՝ տարածքային կառավարման և զարգացման նախարարության օժանդակությամբ, մեկնարկում է  Հայաստանի բոլոր 10 մարզերում և Երևան քաղաքում աշխատաժողովների շարք, որը նվիրված է սառնամատակարարման և օդորակման սարքավորումների էներգաարդյունավետությանը: Հայաստանի Հանրապոտության կողմիսց մարտի 27-ին վավերացված Կիգալիի փոփոխությունը հնարավորություն է ընձեռումօզոնաանվտանգ նյութերի անցում կատարելիս ուշադրություն դարձնել էներգաարդյունավետության արդի խնդիրներին:

Աշխատաժողովներն իրականացվելու են սառնարանային ոլորտի մասնագետների, տարածքային կառավարման և տեղական ինքնակառավարման մարմինների բնապահպանության և էներգետիկայի (էներգաարդյունավետություն) ոլորտների պատասխանատուների մասնակցությամբ:

Հանդիպումների ընթացքում ներկայացվելու են հետևյալ ձեռնարկները՝

Հուլիսի 9, 2019
Գեղարքունիքի մարզ,
քաղաք Գավառ


 

 

 

 

 

 

 

 

Հուլիսի 10, 2019
Կոտայքի մարզ,
քաղաք Հրազդան

 

 

 

 

 

 

 

 

ՀԱՆԴԻՊՈՒՄՆԵՐ ԲՈՒՀԵՐԻ ՀԵՏ

2019 թվականի հունիսի 25-ին և 28-ին Շրջակա միջավայրի նախարարության օզոնի ծրագրի նախաձեռնությամբ տեղի ունեցան հանդիպումներ Հայաստանի բարձրագույն ուսումնական հաստատությունների «էկոլոգիա» և/կամ հարակից առարկաներ դասավանդող դասախոսների հետ:

                        

Հանդիպումներին մասնակցել են Հայաստանի 17 ԲՈՒՀ-երի պրոֆեսորադասախոսական կազմի ու նախարարության տարբեր ստորաբաժանումների ներկայացուցիչներ, որոնց ընթացքում անդրադարձ է կատարվել ԲՈՒՀ-երի ուսումնական ծրագրերում օզոնային շերտի պահպանության և այս ոլորտում առկա հիմնախնդիրների վերաբերյալ տեղեկատվության ծավալներին ու խորությանը, ինչպես նաև այլ բնապահպանական խնդիրներին:

Դասախոսները ներկայացրել են իրենց ուսումնական հաստատություններում դասավանդվող բնապահպանական ուղղվածություն ունեցող առարկաների մեթոդիկան, ոլորտի բացթողումներն ու հանդես եկան կառուցողական առաջարկներով: Նախարարության աշխատակիցները հայտնել են պատրաստակամություն՝ տրամադրելու անհրաժեշտ մասնագիտական խորհրդատվություն: 


 

 

 

 

 

 

 

Հանդիպման ավարտին թե՛ նախարարության աշխատակիցների, թե՛ ԲՈՒՀ-երի ներկայացուցիչների կողմից հնչեցին մի շարք համագործակցային առաջարկներ, որոնց իրականացման համար արդեն իսկ ձեռնարկվում են նախապատրաստական աշխատանքներ: Միջոցառումը գնահատվեց որպես համագործակցության հարթակ դասախոսների և ոլորտի պետական կառույցի միջև, որը կարող է մաշտական և պարբերական բնույթ կրել:


ՍԱՌՆԱՄԱՏԱԿԱՐԱՐՄԱՆ ՀԱՄԱՇԽԱՐՀԱՅԻՆ ՕՐ

2019 թվականի հունիսի 26-ին աշխարհում առաջին անգամ նշվեց Սառնամատակարարման համաշխարհային օրը: Այս առիթով շրջակա միջավայրի նախարարության Օզոնի ծրագիրը «Զվարթնոց» միջազգային օդանավակայանի հետ համատեղ իրականացրեց  օրվան նվիրված միջոցառում` Հայաստանի սառնարանային ասոցիացիայի անդամների ուսուցողական այց:

Հաշվի առնելով «Զվարթնոց» միջազգային օդանավակայանի կողմից իրականացված առաջանցիկ քայլերը սառնամատակարարման ոլորտում, ինչպիսիք են կազմակերպությունում գործարկվող ժամանակակից սառնարանային և օդորակման համակարգերը և կիրառվող ISO 500001 ստանդարտը, Հայաստանի սառնարանային ասոցիացիայի 30 ներկայացուցիչներին և այլ կազմակերպություններից հրավիրված հյուրերին հնարավորություն ընձեռվեց ծանոթանալ օդանավակայանի կողմից իրականացվող քաղաքականությանն ու փորձին: Միջոցառմանը իրենց մասնակցությունն էին բերել նաև սառնամատակարարման ոլորտի կին ներկայացուցիչները:

Հանդիպման մեկնարկը տրվեց օդանավակայանի «Կարգո» բեռնային համալիրում, որտեղ մասնակիցները ծանոթացան սառեցման սրահներին ու դրանց գործարկման մեխանիզմներին:


 

 

 

 

 

 

 

 

 

 




Նոր համալիրի մեխանիկական սենյակում բացատրվեց տեղադրված կաթսաների, շոգեկաթսաների, չիլերների և զովացնող աշտարակների նշանակությունը, իսկ նկուղում մասնագետը ներկայացրեց սարքավորումների գործարկման նրբություններն ու ոլորտային առանձնահատկությունները:

Ուսոցողական այցն անցկացրեց «Զվարթնոց» միջազգային օդանավակայանի ոլորտի պատասխանատու Արթուր Մկրտչյանը:

 

ՀԱՆԴԻՊՈՒՄ ՈՒԿՐԱԻՆԱՅԻՑ ԺԱՄԱՆԱԾ ՊԱՏՎԻՐԱԿՈՒԹՅԱՆ ՀԵՏ

2019 թվականի հունիսի 24-ին Շրջակա միջավայրի նախարարության Օզոնի ծրագիրը հյուրնկալեց  Ուկրաինայից ժամանած պատվիրակությունը: Այցը կրում էր ճանաչողական բնույթ և նպատակ ուներ ծանոթանալու օզոնային շերտի պահպանությանոլորտում Հայաստանի փորձին: Հանդիպմանը մասնակցող նախարարի տեղակալ Իրինա Ղափլանյանն անդրադարձավ երկու երկրների ոլորտային ընդհանրություններին՝ հույս հայտնելով, որ այցը կլինի երկկողմանի օգտակար և արդյունավետ:

Քննարկման և հարցուպատասխանի արդյունքում մասնակիցներին տրամադրվեց տեղեկատվություն ոլորտի իրավակարգավորումների, Օզոնի ծրագրի ֆինանսական միջոցների և նյութատեխնիկական բազայի վերաբերյալ: Հանդիպման երկրորդ մասում մասնագիտական այց կատարվեց Երևանի կոնյակի գործարան, որտեղ մասնակիցները ծանոթացանօզոնաքայքայիչ նյութերից հրաժարվելու էվոլուցիային և եվրոպական ստանդարտներով գործող սառեցման համակարգերիկիրառմանը: Գործարանում այցելուներին ուղեկցում էին գլխավոր ճարտարագետի տեղակալը և սառնարանային համակարգերի պատասխանատուն, ովքեր ներկայացնում էին այդ փորձը:

 

ԱԺ-Ն ՎԱՎԵՐԱՑՐԵԼ Է ԿԻԳԱԼԻԻ ՓՈՓՈԽՈՒԹՅՈՒՆԸ 

2019 թվականի մարտի 27-ին ԱԺ-ն վավերացրել է ««Օզոնային շերտը քայքայող նյութերի մասին» Մոնրեալի արձանարության Կիգալիի փոփոխություն» համաձայնագիրը, որը ներկայացրել է բնապահպանության նախարարի առաջին տեղակալ Իրինա Ղափլյանյանը:
Կիգալիի փոփոխությունը Մոնրեալի արձանագրության 5-րդ փոփոխությունն է, որն ուժի մեջ է մտել 2019 թվականի հունվարի 1-ից: Այս փոփոխությամբ՝ Արձանագրությամբ կարգավորվող նյութերի ցանկում ավելացվել են հիդրոֆտորածխածինները (ՀՖԱ), որոնք, հանդիսանալով հզոր և երկարակյաց ջերմոցային գազեր, հայտնվելով մթնոլորտում՝ նպաստում են կլիմայի փոփոխությանը:
ՀՖԱ-ների փուլային փոխարինման միջոցով ակնկալվում է կանխել մոտ 105 մլն տոննա ածխածնի երկօքսիդին համարժեք ջերմոցային գազերի արտանետումներ, ինչը կօգնի մինչև 2100 թվականն ակնկալվող ջերմաստիճանի գլոբալ բարձացումը նվազեցնել մինչև 0.4 աստիճանով՝ զուգահեռ շարունակելով պահպանել օզոնային շերտը:

Արձանագրությամբ նախատեսված միջոցառումների իրականացմամբ Հայաստանը  կունենա իր հերթական ներդրումը օզոնային շերտի և կլիմայի պահպանության հարցերում:
Կիգալիի փոփոխությունը վավերացրած երկրների շարքում Հայաստանը դարձավ  70-րդը:


ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔ
«ՕԶՈՆԱՅԻՆ ՇԵՐՏԸ ՔԱՅՔԱՅՈՂ ՆՅՈՒԹԵՐԻ ՄԱՍԻՆ» ՄՈՆՐԵԱԼԻ ԱՐՁԱՆԱԳՐՈՒԹՅԱՆ ԿԻԳԱԼԻԻ ՓՈՓՈԽՈՒԹՅՈՒՆԸ ՎԱՎԵՐԱՑՆԵԼՈՒ ՄԱՍԻՆ

 


ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔ
«ՕԶՈՆԱՅԻՆ ՇԵՐՏԸ ՔԱՅՔԱՅՈՂ ՆՅՈՒԹԵՐԻ ՄԱՍԻՆ» ՄՈՆՐԵԱԼԻ ԱՐՁԱՆԱԳՐՈՒԹՅԱՆ ԿԻԳԱԼԻԻ ՓՈՓՈԽՈՒԹՅՈՒՆԸ ՎԱՎԵՐԱՑՆԵԼՈՒ ՄԱՍԻՆ

 

ՈՒ Ղ Ե Ց ՈՒ Յ Ց

ՕԶՈՆԱՅԻՆ ՇԵՐՏԸ ՔԱՅՔԱՅՈՂ ՆՅՈՒԹԵՐԻ ՆԵՐՄՈՒԾՄԱՆ/ԱՐՏԱՀԱՆՄԱՆ ԳՈՐԾԸՆԹԱՑԻ ՎԵՐԱԲԵՐՅԱԼ

ՀՀ բնապահպանության նախարարության Օզոնի ազգային կենտրոնը պատրաստել է սույն ձեռնարկը օզոնային շերտը քայքայող նյութերի և դրանք պարունակող արտադրանքի գործածությամբ զբաղվող տնտեսավարողների և անհատների համար:

Ձեռնարկը վերաբերում է Եվրասիական տնտեսական միությանը Հայաստանի Հանրապետության անդամակցության հետ կապված որոշակի օրենսդրական փոփոխություններին: Այդ փոփոխությունները դեռևս ընթացքում են, ուստի այս ձեռնարկը հանդիսանում է նախնական փաստաթուղթ:

Ձեռնարկի առաջին բաժնում ներկայացված են օզոնային շերտը քայքայող նյութերի և դրանք պարունակող արտադրանքի ցանկերը, որոնց ներմուծումն ու արտահանումը Եվրասիական տնտեսական միության մաքսային տարածք արգելված է:

Երկրորդ բաժնում ներկայացված են այն օզոնային շերտը քայքայող նյութերի ցանկերը, որոնց ներմուծումն ու արտահանումը Եվրասիական տնտեսական միության մաքսային տարածք սահմանափակ է:

Երրորդ բաժնում ներկայացված են անհատական չափաքանակ և հետո միայն ներմուծման մեկանգամյա լիցենզիայի, անհատական չափաքանակ ստանալու ժամկետների, հայտի և այլ անհրաժեշտ փաստաթղթերի ձևերի մասին տեղեկությունները:

Չորրորդ բաժնում տեղեկատվությունը վերաբերում է օզոնային շերտը քայքայող նյութերի ներմուծման մեկանգամյա լիցենզիա ձեռք բերելուն, որը հանարավոր է միայն անհատական չափաքանակի առկայության պարագայում, ինչը կարելի է ստանալ՝ դիմելով ՀՀ բնապահպանության նախարարություն:

Ձեռնարկը կարող եք ընթերցել PDF և EPUB ձևաչափերով:

EPUB տարբերակն ընթերցելու համար անհրաժեշտության դեպքում կարող եք ներբեռնել 
IceCream Ebook Reader  
հավելվածը: 

 Ուշադրություն: http://armozone.am/  Կայքում տեղադրված բոլոր նյութերը (տեղեկատվությունը, հղումները, նկարները, ֆայլերը, ծրագրերը և այլն) ներկայացված են բացառապես ճանաչողական նկատառումներով: Կայքի հեղինակը, ինչպես նաև կայքը տեղակայող կազմակերպությունը որևէ պատասխանատվություն չեն կրում ցանկացած (այդ թվում նաև անօրինական) գործողությունների համար, որոնք կատարվել են կայքի նյութերի ուղղակի կամ անուղղակի օգատգործումից: Շարունակելով կայքի դիտումը Դուք ինքնաբերաբար ընդունում եք վերը նշված պայմանները: Պայմանների մասնակի կամ ամբողջակական անհամաձայնության դեպքում խնդրում ենք անհապաղ լքել այս կայքը, առանց պարունակությունը դիտելու: Կայքում ներկայացված նյութերի հեղինակային իրավունքը պատկանում է իրենց օրինական իրավատերերին: Խստիվ արգելվում է առանց կայքի ադմինիստրացիայի համաձայնության և թույլտվության օգտագործել կայքում ներկայացված նյութերը:





ՀԱՆԴԻՊՈՒՄՆԵՐ ԲՈՒՀԵՐԻ ՀԵՏ25.06.2019 ՀԱՆԴԻՊՈՒՄՆԵՐ ԲՈՒՀԵՐԻ ՀԵՏ...
ՍԱՌՆԱՄԱՏԱԿԱՐԱՐՄԱՆ ՀԱՄԱՇԽԱՐՀԱՅԻՆ ՕՐ26.06.2019 ՍԱՌՆԱՄԱՏԱԿԱՐԱՐՄԱՆ ՀԱՄԱՇԽԱՐՀԱՅԻՆ ՕՐ 2019 թվականի...
ՀԱՆԴԻՊՈՒՄ ՈՒԿՐԱԻՆԱՅԻՑ ԺԱՄԱՆԱԾ ՊԱՏՎԻՐԱԿՈՒԹՅԱՆ ՀԵՏ24.06.2019 ՀԱՆԴԻՊՈՒՄ ՈՒԿՐԱԻՆԱՅԻՑ ԺԱՄԱՆԱԾ ՊԱՏՎԻՐԱԿՈՒԹՅԱՆ ՀԵՏ...
ԿԻԳԱԼԻԻ ՓՈՓՈԽՈՒԹՅՈՒՆ. ՆՈՐ ԻՐԱՎԱԿԱՐԳԱՎՈՐՈՒՄՆԵՐ20.05.2019 ԿԻԳԱԼԻԻ ՓՈՓՈԽՈՒԹՅՈՒՆ. ՆՈՐ ԻՐԱՎԱԿԱՐԳԱՎՈՐՈՒՄՆԵՐ...