ՏԵՂԱԿԱՆ ԱՐՏԱԴՐՈԻԹՅԱՆ ՄԱՆԿԱԿԱՆ ՀԱԳՈՒՍՏ ՏԵՂԵԿԱՏՎԱԿԱՆ ՊԻՏԱԿՆԵՐՈՎ
«ՄԱՆԿԱՆ» ԽԱՂԱԼԻՔՆԵՐԸ ՏԵՂԵԿԱՏՎԱԿԱՆ ՊԻՏԱԿՆԵՐՈՎ
«ՍՏԱՆԴԱՐՏՆԵՐ ՍԱՌԵՑՄԱՆ ԵՎ ՕԴՈՐԱԿՄԱՆ ՏԵԽՆԻԿԱՅԻ ՈԼՈՐՏՈՒՄ» Կլոր սեղան-քննարկում

ԵՐԿՓԵՂԿՎԱԾ ԿՅԱՆՔ -ԼՈՒՍԱՆԿԱՐԸ՝ ՄԻՋԱԶԳԱՅԻՆ ԼՈՒՍԱՆԿԱՐՉԱԿԱՆ ՄՐՑՈՒՅԹԻ ՀԱՂԹՈՂ ԼՈՒՍԻՆԵ ԹՈՐՈՍՅԱՆԻ:

ՏԵՂԵԿԱՏՎԱԿԱՆ ԳՈՒՆԱՎՈՐՄԱՆ ԳՐՔՈՒՅԿԻ ԵՎ ՊԱՍՏԱՌԻ ՇՆՈՐՀԱՆԴԵՍԸ
ՕԶՈՆԱՅԻՆ ՇԵՐՏԻ ՊԱՀՊԱՆՈՒԹՅԱՆ ՄԻՋԱԶԳԱՅԻՆ ՕՐ 2015
ԷԿՈԿՐԹԱԿԱՆ ԴԱՍԸՆԹԱՑՆԵՐ ՍԵՎԱՆ ԵՎ ԴԻԼԻՋԱՆ ԱԶԳԱՅԻՆ ՊԱՐԿԵՐԻ ՀԱՐԱԿԻՑ ՀԱՄԱՅՆՔՆԵՐԻ ԵՐԵԽԱՆԵՐԻ ՀԱՄԱՐ 2016
«ԱՆԳԱՄ ԱՅՍՊԻՍԻ ՄԵՏԱՂԱԿԱՆ ԽՆԴԻՐՆԵՐՆ ՈՒՆԵՆ ԻՐԵՆՑ ՄԵԼՈԴՐԱՄԱՏԻԿ ԿՈՂՄԸ»: ՕՍԿԱՐ ՈւԱՅԼԴ
ՎԵՐԱՊԱՏՐԱՍՏՄԱՆ ԴԱՍԸՆԹԱՑՆԵՐ ՄԱՔՍԱՅԻՆ ԾԱՌԱՅՈՂՆԵՐԻ ՀԱՄԱՐ
ՕԶՈՆԱՅԻՆ ՇԵՐՏԻ ՊԱՀՊԱՆՈՒԹՅԱՆ ՄԻՋԱԶԳԱՅԻՆ ՕՐ 2015
ԻՐԱԶԵԿՄԱՆ ՍԵՄԻՆԱՐՆԵՐ ՄԱՆԿԱՊԱՐՏԵԶՆԵՐԻ ՍԱՆԵՐԻ ՀԱՄԱՐ
ՕԶՈՆԱՅԻՆ ՇԵՐՏԸ ԲՆԱԿԱՆ ՄԻ ՎԱՀԱՆ Է, ՈՐԸ ՊԱՇՏՊԱՆՈՒՄ Է ՄԵԶ ՈՒՄ ՎՆԱՍԱԿԱՐ ՃԱՌԱԳԱՅԹՆԵՐԻՑ
ԱՌՈՂՋ ՄԹՆՈԼՈՐՏՆ Է ՄԵՐ ԵՐԱԶԱԾ ԱՊԱԳԱՆ
ԱՅԺՄ ԱԵՐՈԶՈԼՆԵՐՈՒՄ ՕԳՏԱԳՈՐԾՎՈՒՄ ԵՆ ՕԶՈՆԱԱՆՎՏԱՆԳ ԱԾԽԱՋՐԱԾՆԱՅԻՆ ՄՂԻՉ ՆՅՈՒԹԵՐ

ՆԱԽԿԻՆՈՒՄ ԱԵՐՈԶՈԼՆԵՐՈՒՄ ՈՐՊԵՍ ՄՂԻՉ ՆՅՈՒԹ ԷԻՆ ՕԳՏԱԳՈՐԾՎՈՒՄ ՔՖԱ-ՆԵՐԸ

ՕԶՈՆԱՅԻՆ ՇԵՐՏԻ ՊԱՀՊԱՆՈՒԹՅԱՆ ՄԻՋԱԶԳԱՅԻՆ ՕՐՎԱՆ ՆՎԻՐՎԱԾ ՏՈՆԱԿԱՏԱՐՈՒԹՅՈՒՆՆԵՐ. ԵՐԵՎԱՆ, ՍԵՊՏԵՄԲԵՐ, 2012թ.
ՕԶՈՆԱՅԻՆ ՇԵՐՏԻ ՊԱՀՊԱՆՈՒԹՅԱՆ ՄԻՋԱԶԳԱՅԻՆ ՕՐԸ. ԵՐԵՎԱՆ, ՍԵՊՏԵՄԲԵՐ 2014թ.

ՀԱՆԴԻՊՈՒՄ ՍՈՒՊԵՐՄԱՐԿԵՏՆԵՐԻՙ ՍԱՌՆԱՐԱՆԱՅԻՆ ՏՆՏԵՍՈՒԹՅՈՒՆՆԵՐԻ և ՀՅՈՒՐԱՆՈՑՆԵՐԻ ՆԵՐԿԱՅԱՑՈՒՑԻՉՆԵՐԻ ՄԻՋԵՎ

 

2018 թվականի սեպտեմբերի 18-ին «Հայաթ փլեյս» հյուրանոցում տեղի ունեցավ սուպերմարկետների, սառնարանային տնտեսությունների և հյուրանոցների ներկայացուցիչների հետ հանդիպում ժամը 11:00-ից մինչև ժամը 18:00-ն:

Հանդիպման նպատակն էր ներկայացնել տվյալ ոլորտում օգտագործվող սառեցման և օդորակման սարքավորումների միջոցով բնության վրա բացասական ազդեցությունը նվազեցնելու հնարավոր լուծումներն ու առաջարկությունները, ինչպես նաև տվյալ ոլորտի վերաբերյալ միջազգային շուկայում առկա միտումները:

Հանդիպման ընթացքում հիշատակվեց Օզոնային շերտի պաշտպանության միջազգային օրվա` սեպտեմբերի 16-ի մասին, դրա կարևրության և տեղեկացվածության մակարդակի բարձրացման անհրաժեշտության մասին, ներկայացվեց ՄԱԿ-ի կողմից մշակված «Սա´ռը դատիր, շարունակի´ր» տարվա պաստառն ու կարգախոսը:

Եղավ անդրադարձ նաև Մոնրեալի արձանագրության Կիգալիի ուղղմանը, որն ընդունվել է 2016թ-ի հոկտեմբերի 15–ին Ռուանդայի մայրաքաղաք Կիգալիում և այժմ գտնվում է Հայաստանում վավերացման փուլում: Այս համատեքստում ևս մեկ անգամ կարևորվեց Հայաստանի կողմից ստանձնած միջազգային պարտավորությունների շարունակական կատարումն ու դրանցով պայմանավորված՝  սպասվելիք նոր իրավակարգավորումներին պատրաստվելը:

Բացի այս, ներկայացվեցին GIZ գերմանական կազմակերպության կողմից պատրաստված և Օզոնի ծրագրի կողմից տեղայնացված հայալեզու պաստառները, ինչպես նաև  սառնարանային և օդորակման տեխնոլոգիաների անվտանգ սպասարկմանն ուղղված շարժական հավելվածը:

Հանդիպման ամբողջ ընթացքը ուղեկցվում էր հարց ու պատասխանով, քննարկումներով և մասնագիտական բանավեճերով, որոնց ընթացքում մասնակիցները կարողացան բարձրաձայնել ոլորտին առնչվող բազմաթիվ հարցեր և ներկայացնել առաջարկություններ՝ կապված նաև նորագույն «կանաչ»  տեխնոլոգիաների ներդրման հետ:

Օզոնի ծրագիրը նմանատիպ հանդիպումների կազմակերպումը համարում է անհրաժեշտ՝ տնտեսվարողների կողմից գոյություն ունեցող խնդիրների բարձրաձայնման, իրազեկվածության աստիճանի բարձրացման, ոլորտի քաղաքականության մասնակցային մշակման և համապատասխան որոշումների կայացման տեսանկյունից:

 

 


 

ՀԱՆԴԻՊՄԱՆ ՀՐԱՎԵՐ՝ ՍՈՒՊԵՐՄԱՐԿԵՏՆԵՐԻ, ՍԱՌՆԱՐԱՆԱՅԻՆ ՏՆՏԵՍՈՒԹՅՈՒՆՆԵՐԻ և ՀՅՈՒՐԱՆՈՑՆԵՐԻ ՆԵՐԿԱՅԱՑՈՒՑԻՉՆԵՐԻՆ

Բնապահպանության նախարարությունը ՄԱԱԶԿ-ի աջակցությամբ 2018 թվականի սեպտեմբերի 18-ին «Հայաթ փլեյս» հյուրանոցում նախաձեռնել է սառնագենտների կիրառման բնագավառների (սառեցում, օդորակում, էներգաարդյունավետություն) բիզնես-ներկայացուցիչների հետ հանդիպում: Հանդիպումների ժամանակացույցը ներկայացված են ստորև.
 • Հանդիպում սուպերմարկետների ներկայացուցիչների հետ- ժամը 11:00-13:00: 
• Հանդիպում սառնարանային տնտեսությունների ներկայացուցիչների հետ- ժամը 14:00-16:00: 
• Հանդիպում հյուրանոցների ներկայացուցիչների հետ- ժամը 16:00-18:00: 
Հանդիպումների ընթացքում ներկայացվելու են տվյալ ոլորտում օգտագործվող սառեցման և օդորակման սարքավորումների միջոցով բնության վրա ազդեցությունը նվազեցնելու հնարավոր լուծումներն ու առաջարկությունները, ինչպես նաև տվյալ ոլորտի վերաբերյալ միջազգային շուկայում առկա միտումները: Անհրաժեշտության դեպքում՝ ոլորտային փորձագետները պատրաստ կլինեն տրամադրել մասնագիտական խորհրդատվություն:
Հանդիպմանը մասնակցելու համար խնդրում ենք գրանցվել 011 – 818-532 հեռախոսահամարով, մինչև սեպտեմբերի 17-ը, ժամը 18:00 –ն։

 

 

ՕԶՈՆԱՅԻՆ ՇԵՐՏԻ ՊԱՀՊԱՆՈՒԹՅԱՆ ՄԻՋԱԶԳԱՅԻՆ ՕՐ

ՍԵՊՏԵՄԲԵՐԻ 16


 

ՄՈՆՐԵԱԼԻ ԱՐՁԱՆԱԳՐՈՒԹՅԱՆ ԿԻԳԱԼԻԻ ՈՒՂՂՈՒՄԸ ՈՐՊԵՍ ԿԱՄՈՒՐՋ

2018 թվականի հուլիսի 24-ին Բնապահպանության նախարարության նախաձեռնությամբ ՄԱԿ-ի գրասենյակի նիստերի դահլիճում ՄԱԶԿ-ի և ՄԱԶԾ-ի աջակցությամբ տեղի ունեցավ «Մոնրեալի արձանագրության Կիգալիի ուղղումը որպես կամուրջ օզոնային շերտի պահպանության և կլիմայի փոփոխության մեղմման գործողությունների միջև» աշխատանքային հանդիպում: Համաժողովին մասնակցում էին Օզոնի ազգային կենտրոնի և Կլիմայի փոփոխության կենտրոնի ներկայացուցիչներ, ինչպես նաև նախարարության մի շարք ստորաբաժանումների աշխատակիցներ: Ողջույնի խոսք ասաց նախարարի առաջին տեղակալ Իրինա Ղափլանյանը` անդրադառնալով երկու կոնվենցիաների ստանձնած պարտավորություններին և դրանց միջև համագործակցության կարևորությանը:

Հանդիպման ժամանակ քննարկվեցին հետևյալ թեմաները. Էներգաարդյունավետության կարևորությունը սառեցման, օդորակման և ջերմային պոմպերի ոլորտում, էներգաարդյունավետության ստանդարտները Հայաստանում, պետական և համայնքային գնումներում սառեցման ու օդորակման համակարգերի էներգաարդյունավետության պահանջների սահմանումը, ՀՖԱ-ների վերաբերյալ տվյալների շարունակական հավաքագրման գործընթացը (ինստիտուցիոնալ և կազմակերպչական մոտեցումներ):

Տեղի ունեցավ մասնագիտական քննարկում, ինչի արդյունքում էլ մշակվեց գործողությունների ճանապարհային քարտեզ:

 

 

ԱՄՌԱՆՆ ԸՆԴԱՌԱՋ


«Ժպտում է վերից երկինքը կապույտ,
                                                                                              Արևն է զնգում անհուն զնգոցով…» 
Ե. Չարենց 

ՀՀ բնապահպանության նախարարության Օզոնի ազգային կենտրոնն ամռանն ընդառաջ հանդես է եկել մի շարք նախաձեռնություններով, որոնք նվիրված են արևի ուլտրամանուշակագույն ճառագայթներին, դրանց վտանգավորությանը, դրանցից պաշտպանվելու անհրաժեշտությանը և միջոցներին: Նախաձեռնությունների առանձնահատկությունը պայմանավորված է դրանցում հիմնական թիրախային խմբի՝ 0-ից մինչև 14 տարեկան երեխաների ընդգրկվածությամբ՝ հաշվի առնելով նրանց առավել բարձր խոցելիությունը ուլտրամանուշակագույն ճառագայթման նկատմամբ:

Այս առումով պետություն-մասնավոր հատված (բիզնես) համագործակցության շրջանակներում մասնակցային որոշմամբ պատրաստվել են 20 000 օրինակ տեղեկատվական պիտակներ, որոնք փոխանցվել են «Ալեքս տեքստիլ», «Ոսկե կար» և «Սաթենկար» (Մելանտե) սահմանափակ պատասխանատվությամբ ընկերություններին՝  դրանք իրենց արտադրանքներին փակցնելու նպատակով:

4000 պիտակ փոխանցվել է «Մանկան» ՍՊԸ-ին՝ մանկական փափուկ խաղալիքներին փակցնելու համար:

Բացի այս, թվով 2500 օրինակ նույնաբովանդակ էջանշաններ են տպագրվել, որոնցից 500-ը տրամադրվել են ‹‹Բուկինիստ», ‹‹Նոյյան տապան»  և ‹‹Թումանյան գրատուն» գրախանութներին, իսկ 2000 օրինակը Մշակույթի նախարարության օժանդակությամբ տրամադրվել է ՀՀ տարածքում գործող մանկական գրադարաններին:

Նույն նախաձեռնությունների շրջանակներում պատվիրվել են թվով 1000 հատ արևապաշտպան բանդանաներ՝ ՀՀ տարածքում գործող մանկատների մանկահասակ երեխաներին տրամադրելու նպատակով:

Տեղեկատվական պիտակներում և էջանշաններում ներառված տեղեկատվությունը, որը վերաբերում է օզոնային շերտի կարևորությանը, արևի ուլտրամանուշակագույն ճառագայթների վնասակարությանը և դրանցից պաշտպանվելու անհրաժեշտությանն ու եղանակներին, մշակվել է Առողջապահության նախարարության հետ համատեղ: Նախաձեռնություններն իրականացվել են ՄԱԿ-ի արդյունաբերական զարգացման կազմակերպության օժանդակությամբ:

 

 

 

ՈՒ Ղ Ե Ց ՈՒ Յ Ց

ՕԶՈՆԱՅԻՆ ՇԵՐՏԸ ՔԱՅՔԱՅՈՂ ՆՅՈՒԹԵՐԻ ՆԵՐՄՈՒԾՄԱՆ/ԱՐՏԱՀԱՆՄԱՆ ԳՈՐԾԸՆԹԱՑԻ ՎԵՐԱԲԵՐՅԱԼ

ՀՀ բնապահպանության նախարարության Օզոնի ազգային կենտրոնը պատրաստել է սույն ձեռնարկը օզոնային շերտը քայքայող նյութերի և դրանք պարունակող արտադրանքի գործածությամբ զբաղվող տնտեսավարողների և անհատների համար:

Ձեռնարկը վերաբերում է Եվրասիական տնտեսական միությանը Հայաստանի Հանրապետության անդամակցության հետ կապված որոշակի օրենսդրական փոփոխություններին: Այդ փոփոխությունները դեռևս ընթացքում են, ուստի այս ձեռնարկը հանդիսանում է նախնական փաստաթուղթ:

Ձեռնարկի առաջին բաժնում ներկայացված են օզոնային շերտը քայքայող նյութերի և դրանք պարունակող արտադրանքի ցանկերը, որոնց ներմուծումն ու արտահանումը Եվրասիական տնտեսական միության մաքսային տարածք արգելված է:

Երկրորդ բաժնում ներկայացված են այն օզոնային շերտը քայքայող նյութերի ցանկերը, որոնց ներմուծումն ու արտահանումը Եվրասիական տնտեսական միության մաքսային տարածք սահմանափակ է:

Երրորդ բաժնում ներկայացված են անհատական չափաքանակ և հետո միայն ներմուծման մեկանգամյա լիցենզիայի, անհատական չափաքանակ ստանալու ժամկետների, հայտի և այլ անհրաժեշտ փաստաթղթերի ձևերի մասին տեղեկությունները:

Չորրորդ բաժնում տեղեկատվությունը վերաբերում է օզոնային շերտը քայքայող նյութերի ներմուծման մեկանգամյա լիցենզիա ձեռք բերելուն, որը հանարավոր է միայն անհատական չափաքանակի առկայության պարագայում, ինչը կարելի է ստանալ՝ դիմելով ՀՀ բնապահպանության նախարարություն:

Ձեռնարկը կարող եք ընթերցել PDF և EPUB ձևաչափերով:

EPUB տարբերակն ընթերցելու համար անհրաժեշտության դեպքում կարող եք ներբեռնել 
IceCream Ebook Reader  
հավելվածը: 

 Ուշադրություն: http://armozone.am/  Կայքում տեղադրված բոլոր նյութերը (տեղեկատվությունը, հղումները, նկարները, ֆայլերը, ծրագրերը և այլն) ներկայացված են բացառապես ճանաչողական նկատառումներով: Կայքի հեղինակը, ինչպես նայև կայքը տեղակայող կազմակերպությունը որևէ պատասխանատվություն չեն կրում ցանկացած (այդ թվում նաև անօրինական) գործողությունների համար, որոնք կատարվել են կայքի նյութերի ուղղակի կամ անուղղակի օգատգործումից: Շարունակելով կայքի դիտումը Դուք ինքնաբերաբար ընդունում եք վերը նշված պայմանները: Պայմանների մասնակի կամ ամբողջակական անհամաձայնության դեպքում խնդրում ենք անհապաղ լքել այս կայքը, առանց պարունակությունը դիտելու: Կայքում ներկայացված նյութերի հեղինակային իրավունքը պատկանում է իրենց օրինական իրավատերերին: Խստիվ արգելվում է առանց կայքի ադմինիստրացիայի համաձայնության և թույլտվության օգտագործել կայքում ներկայացված նյութերը:





ՄՈՆՐԵԱԼԻ ԱՐՁԱՆԱԳՐՈՒԹՅԱՆ ԿԻԳԱԼԻԻ ՈՒՂՂՈՒՄԸ ՈՐՊԵՍ ԿԱՄՈՒՐՋ24.07.2018   2018 թվականի հուլիսի 24-ին Բնապահպանության...
ԱՄՌԱՆՆ ԸՆԴԱՌԱՋ05.06.2018 «Ժպտում է վերից երկինքը կապույտ,      ...
ՀԱՆԴԻՊՈՒՄ ՈՒՐՑԱՁՈՐՈՒՄ12.05.2018 2018 թվականի մայիսի 12-13-ը Ուրցաձոր համայնքի...
ՕԶՈՆԻ ԱԶԳԱՅԻՆ ԿԵՆՏՐՈՆԻ ՀԵՐԹԱԿԱՆ ՄԱՍՆԱԿՑՈՒԹՅՈՒՆԸ ԲԱՑ ԴԱՍԵՐԻՆ10.04.2018 Օզոնի ազգային կենտրոնը 2018 թվականի ապրիլի 9-ին և 10-ին...